Aqtaýda sheneýnikke 30 million teńgege jýyq aiyppul salyndy, - dep habarlaidy Tengrinews.kz agenttigi Lada.kz portalyna silteme jasap.
Qylmystyq is Aqtaý qalalyq sotynda qaraldy.
Mańǵystaý oblysynyń Aýyl sharýashylyǵy basqarmasy bastyǵynyń orynbasary fermerlik sharýashylyqtarda kún panelderin ornatý úshin sýbsidiia alýǵa jáne oǵan qadaǵalaý jasai alatyn múmkindigi bolǵan. Ol 2019 jyldan bastap 2020 jylǵa deiingi kezeńde jalpy somasy 705 000 teńge bolatyn para alǵan.
Qylmystyq istiń ekinshi figýranty memleketten sýbsidiia alý maqsatynda "Qoldau" portalyna jalǵan sharttar engizip, onda satyp alynǵan taýarlardyń naqty qunynan joǵary baǵany kórsetken. Óziniń alaiaqtyq áreketterimen ol memleketke 6 903 275 teńge mólsherinde materialdyq zalal keltirdi.
Sot úkimimen aýyl sharýashylyǵy basqarmasy bastyǵynyń orynbasary QR QK-niń 366-baby 3-bóliginiń 4-tarmaǵy jáne (Laýazymdy adamnyń zańsyz áreketteri úshin aqsha túrinde birneshe ret para alýy), QR QK-niń 371-babynyń 2-bóligi (Laýazymdy adamnyń qyzmetke josyqsyz nemese uqypsyz qaraýy saldarynan óz mindetterin oryndamaýy nemese tiisinshe oryndamaýy, eger bul laýazymdy adamnyń óz mindetterin oryndamaýyna nemese tiisinshe oryndamaýyna ákep soqsa, kináli dep tanyldy uiymdardyń quqyqtary men zańdy múddelerine ne qoǵamnyń nemese memlekettiń zańmen qorǵalatyn múddelerine abaisyzda aýyr zardaptarǵa ákep soqqan eleýli ziian keltirý) boiynsha aiypty dep tanyldy. Sot ony belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyryp, 28 200 000 teńge mólsherinde aiyppul saldy.
