Foto:elements.envato.com
Aqtaý politsiiasy Resei azamattaryn tonap ketken oqiǵanyń jai-japsaryn aitty, - dep habarlaidy Tengrinews.kz.
Buǵan deiin áleýmettik jelide Aqtaý ortalyǵynda Resei azamatynyń turyp jatqan páterin tonap ketkeni habarlanǵan bolatyn.
"Dosym ekeýmizdi Aqtaý ortalyǵynda tonap ketti. Dosym búgin ǵana aryz jazdy. Politseiler óte jyldam keldi. Urylardy kameralardan qarap, eki saǵatta ustady! Aqtaý politseilerine taǵy da raqmet", - dep jazdy ol.
Mańǵystaý oblystyq politsiia basqarmasynyń baspasóz qyzmetiniń málimetinshe, 2 qazanda Aqtaý qalalyq IIB-ne 23 jastaǵy Resei azamaty 11-shaǵynaýdanda ózinen 200 eýro urlap ketken eki adamdy ustaýdy surap aryzdanǵan.
Qylmys Qazaqstan Respýblikasy Qylmystyq kodeksiniń 191-babynyń 2-bóligim "Tonaý" boiynsha Aqtaý qalasy politsiiasyna tirkeldi. Jedel izdestirý sharalary barysynda kriminaldyq politsiia qyzmetkerleri 26 jáne 31 jastaǵy eki kúdiktini anyqtap, ustady. Kúdiktiler ýaqytsha ustaý izoliatoryna qamaldy.
