Foto: Polisia.kz
Búgin saǵat 11:09 shamasynda Aqtaý qalasynyń teńiz jaǵalaýynda teńiz ortasyna qarai bet alyp, ainalasyndaǵylarǵa mán bermegen jasóspirim týraly politsiiaǵa habar tústi, dep habarlaidy Ult.kz.
Oqiǵa ornyna jedel jetken Aqtaý qalalyq politsiia basqarmasynyń patrýldik politsiia batalonynyń qyzmetkerleri Abdýrahim Sáteshov pen Azamat Qarabalaev jaǵdaidyń asa qaýipti ekenin baiqap, bir sát te kidirmesten teńizge sekirgen. Óz ómirlerin qaterge tige otyryp, olar jasóspirimdi jaǵaǵa alyp shyǵyp, aman alyp qaldy.
Politsiia qyzmetkerleriniń jedel ári batyl áreketiniń arqasynda qaiǵyly jaǵdaidyń aldyn alý múmkin boldy. Qazirgi tańda jasóspirimniń jaǵdaiy qanaǵattanarlyq, ómiri men densaýlyǵyna qaýip tónip turǵan joq.
Jasóspirimmen profilaktikalyq áńgime júrgizilip jatyr. Politsiia ókilderi kún saiyn azamattardyń qaýipsizdigin qamtamasyz etip, kez kelgen jaǵdaida, tipti óz ómirin qaterge tige otyryp, kómek kórsetýge daiyn ekenin taǵy bir márte dáleldedi.
