فوتو: Polisia.kz
بٷگٸن ساعات 11:09 شاماسىندا اقتاۋ قالاسىنىڭ تەڭٸز جاعالاۋىندا تەڭٸز ورتاسىنا قاراي بەت الىپ, اينالاسىنداعىلارعا مەن بەرمەگەن جاسٶسپٸرٸم تۋرالى پوليتسيياعا حابار تٷستٸ, دەپ حابارلايدى Ult.kz.
وقيعا ورنىنا جەدەل جەتكەن اقتاۋ قالالىق پوليتسييا باسقارماسىنىڭ پاترۋلدٸك پوليتسييا باتالونىنىڭ قىزمەتكەرلەرٸ ابدۋراحيم سەتەشوۆ پەن ازامات قارابالاەۆ جاعدايدىڭ اسا قاۋٸپتٸ ەكەنٸن بايقاپ, بٸر سەت تە كٸدٸرمەستەن تەڭٸزگە سەكٸرگەن. ٶز ٶمٸرلەرٸن قاتەرگە تٸگە وتىرىپ, ولار جاسٶسپٸرٸمدٸ جاعاعا الىپ شىعىپ, امان الىپ قالدى.
پوليتسييا قىزمەتكەرلەرٸنٸڭ جەدەل ەرٸ باتىل ەرەكەتٸنٸڭ ارقاسىندا قايعىلى جاعدايدىڭ الدىن الۋ مٷمكٸن بولدى. قازٸرگٸ تاڭدا جاسٶسپٸرٸمنٸڭ جاعدايى قاناعاتتانارلىق, ٶمٸرٸ مەن دەنساۋلىعىنا قاۋٸپ تٶنٸپ تۇرعان جوق.
جاسٶسپٸرٸممەن پروفيلاكتيكالىق ەڭگٸمە جٷرگٸزٸلٸپ جاتىر. پوليتسييا ٶكٸلدەرٸ كٷن سايىن ازاماتتاردىڭ قاۋٸپسٸزدٸگٸن قامتاماسىز ەتٸپ, كەز كەلگەن جاعدايدا, تٸپتٸ ٶز ٶمٸرٸن قاتەرگە تٸگە وتىرىپ, كٶمەك كٶرسەتۋگە دايىن ەكەنٸن تاعى بٸر مەرتە دەلەلدەدٸ.
