Foto: lada.kz
Ótken jyly jazda Aqtaýda politsei kisi qolynan qaza tapty. Kúdiktige qatysty sot úkimi shyqty, dep habarlaidy Sputnik Qazaqstan portaly Lada.kz saityna silteme jasap.
Politseidi óltirgen adam onyń synyptasy bolǵan. 2022 jyldyń 3 tamyzynda saǵat 03:26 shamasynda Aqtaýdaǵy 17-shaǵyn aýdanda politsei men synyptasy janjaldasqan. Yzaǵa býlyqqan synyptasy politseidiń moiyn tusyna pyshaq salǵan. Quqyq qorǵaýshy alǵan dene jaraqatynan aýrýhananyń jansaqtaý bóliminde kóz jumdy.
"Kúdikti densaýlyqqa qasaqana aýyr ziian keltirdi dep tanylyp, segiz jyl merzimge bas bostandyǵynan aiyryldy", - dep habarlady oblystyq sottyń baspasóz qyzmeti.
Sottalǵan adam men onyń advokaty apelliatsiialyq shaǵym túsirgen. Qorǵaýshy Qylmystyq kodekstiń 112-babynyń 2-bóligi boiynsha jaza kesýdi suraǵan. "Qajetti qorǵanys sheginen shyǵý kezinde abaisyzda ólimge ákep soqtyrǵan densaýlyqqa aýyr ziian keltirý" baby boiynsha aiypty 2 jylǵa bas bostandyǵynan aiyrylady.
Al sottalýshy óziniń buryn sottalmaǵanyn, sondai-aq istegen isine ókinip, marqumnyń jaqyndaryna materialdyq jáne moraldyq ziiandy tolyǵymen ótegenin aityp, bas bostandyǵynan aiyrmaýdy surady.
"Sottalǵan adam men onyń advokaty úkimdi ózgertý nemese joiý qajettiligin rastaityn jańa dálelder keltirgen joq. Sondyqtan apelliatsiialyq alqa birinshi satydaǵy sot ádil jáne durys jaza taǵaiyndady dep eseptedi", - deidi sottaǵylar.
Mańǵystaý oblystyq sotynyń qylmystyq ister jónindegi sot alqasynyń qaýlysymen birinshi satydaǵy sottyń úkimi ózgerissiz qaldyryldy, al sottalǵan men onyń qorǵaýshysynyń apelliatsiialyq shaǵymy qanaǵattandyrylmady.
Eske sala keteiik, 26 jastaǵy politsiia qyzmetkerine qatysty qandy oqiǵa 3 tamyzǵa qaraǵan túni, onyń eńbek demalysy kezinde bolǵan. Politsei 22 shildeden bastap kezekti eńbek demalysyna shyqqan. Ol organda 2016 jyldan bastap jumys istegen. Politsei ólimine qatysty jedel-izdestirý kezinde 27 jastaǵy kúdikti anyqtalyp, ustaldy.
