Mańǵystaý oblysynyń ortalyǵynda kishkentai qyzǵa tiisken er adam ustaldy, - dep habarlaidy Tengrinews.kz.
Basylym málimetinshe, Aqtaýda belgisiz er adam 8 jastaǵy qyzdy ańdyp, azǵyndamaq bolǵan. Oqiǵa 28 qyrkúiekte 17:30 shamasynda oryn alǵan.
Oqiǵanyń videosy Lada.kz saitynda jariialanǵan bolatyn.
Onda belgisiz er adamnyń 8 jastaǵy oqýshy qyzdyń sońynan ańdyp júrip, denesin ustaǵany túsip qalǵan.
Politsiia bul derek Aqtaý qalasy politsiia basqarmasynda Qylmystyq kodekstiń 124-baby 1-bóligi boiynsha tirkelgenin málimdedi.
"Kriminaldyq politsiia qyzmetkerleri kúdiktini anyqtap, ustady. Qazirgi ýaqytta sotaldy tergeý amaldary júrip jatyr. Bul is boiynsha tolyq jáne obektivti tekserý júrgizilip, sodan keiin quqyqtyq baǵa beriledi. Qylmystyq is tájiribeli tergeýshige júkteldi. Tergeý múddesine qatysty basqa aqparat jariia etilmeidi", - dedi Aqtaý qalalyq politsiia basqarmasynyń ókili.
