Áleýmettik jelide Aqtaý turǵynynyń mysyqqa qatygezdik jasaǵan videosy paida boldy, - dep habarlaidy Tengrinews.kz agenttigi Lada.kz saityna silteme jasap.
Áleýmettik jelilerde er adamnyń júgirip kelip, mysyqtyń basyna sekirgen videosy paida boldy. Osydan keiin janýar aiaǵynan tura almai qalǵany kórinedi. Oqiǵa 2022 jyldyń 4 qazanynda saǵat 22:00 shamasynda 6-shaǵynaýdanda, 26-úi mańynda bolǵan. Aqtaýdaǵy janýarlardy qorǵaýshylar er adamdy "Janýarlarǵa qatygezdikpen qaraý" baby boiynsha qylmystyq jaýapkershilikke tartýdy talap etip otyr.
Olardyń aitýynsha, mysyqtyń jaǵdaiy aýyr, ol basynan jaraqat alǵan.
Nazar aýdaryńyz, videony júkti áielderge jáne balalarǵa qaraý usynylmaidy.
Aita keteiik, "Janýarlarǵa qatygezdikpen qaraý" baby 120 AEK-ke deiingi mólsherde aiyppul túrinde ne sol mólsherde túzeý jumystary ne 120 saǵatqa deiingi merzimge qoǵamdyq jumystarǵa tartý ne 30 táýlikke deiingi merzimge qamaýǵa alý jazasyn kózdeidi.
