Áleýmettik jelilerde eki júrgizýshi arasyndaǵy janjal túsirilgen video tarap jatyr, - dep habarlaidy Massaget.kz.
Mańǵystaý oblysy Politsiia departamentiniń baspasóz qyzmeti ókili osy oqiǵa týraly aitty. 10 qyrkúiekte Aqtaýda 11 jáne 12 shaǵynaýdandar arasyndaǵy tasjolda júrgizýshiler tóbelesken.
Qaqtyǵystyń sebebi Volkswagen Golf markaly kólik júrgizýshisiniń áreketi bolǵan. Ol Toyota Camry markaly kóliginiń jolyn 14 shaǵynaýdandaǵy oblys ákimdigine qarama-qarsy qiylysta kesip ótken.
"Er adamdar Aqtaý Politsiia basqarmasyna jetkizildi. Jol qozǵalysy erejelerin buzǵany úshin Volkswagen Golf kóliginiń júrgizýshisine Ákimshilik quqyqbuzýshylyq týraly kodekstiń 601 jáne 606-baptary boiynsha ákimshilik hattama toltyryldy. Ekinshi júrgizýshige Ákimshilik quqyqbuzýshylyq týraly kodekstiń 606-baby boiynsha hattama rásimdeldi", - dedi oblystyq politsiianyń baspasóz qyzmeti ókili.
Vedomstvo bul derekke qatysty osy oqiǵaǵa qatysýshylardyń bir-birine shaǵymdary joq ekenin aitty. Olarmen profilaktikalyq áńgime júrgizilgen.
Jergilikti turǵyndar oqiǵa barysyn videoǵa túsirip alǵan. Olar videolardy Jelide de jariialap jatyr.
