Lada.kz. Videodan alynǵan kadr
Aqtaýda 15 jastaǵy jasóspirim ata-anasynyń ruqsatynsyz kólik aidap, politseilerden qashty, - dep habarlaidy Tengrinews.kz agenttigi lada.kz portalyna silteme jasap.
Politseiler 15 jastaǵy jasóspirim ruqsatsyz Hyundai Tucson kóligin tizgindegenin aitty. Oqiǵa 19 mamyrda keshke 30-shaǵynaýdanda bolǵan. 15 jastaǵy jasóspirim politseilerden jasyrynbaq bolyp qashqan. Ol Hyundai Tucson kóligin tizgindegen kezde jol erejesin birneshe márte buzyp, tártip saqshylary kólikti toqtatqan.
Rólde 15 jastaǵy jasóspirim eken. Politseilerdiń málimetinshe, ol mas bolmaǵan.
"Oqiǵanyń mán-jaiyn anyqtaý barysynda 15 jastaǵy jasóspirim ruqsatsyz kólik kiltin alyp ketkeni anyqtaldy. Quqyqbuzýshy kámeletke tolmaǵan soń, ata-anasyna ákimshilik hattama toltyryldy. Olar QR ÁQBtK-niń 612-baby "Qujatsyz jáne basqarý quqyǵy joq adamnyń kólik quralyn basqarýy" jáne 591-baby "Kólik quralyn basqarý kezinde júrgizýshiniń telefondy paidalanýy" boiynsha jaýap berýine týra keledi", - dep túsindirdi politseiler.
