Aqtaýda 12 jastaǵy bala quzdan qulap ketti, - dep habarlaidy «Ult aqparat» lada.kz-ke silteme jasap.
Oqiǵa 25 mamyrda Caspian Rivera qonaqúiiniń artynda bolǵan. Bala 3-4 metr biiktikten qulaǵan. Balanyń jaǵdaiy týraly oblystyq densaýlyq saqtaý basqarmasy ókilderi málimdedi.
Oblystyq tótenshe jaǵdailar departamentiniń baspasóz qyzmeti ókilderi 25 mamyrda tústen keiin saǵat 11:31 shamasynda oqiǵa týraly qońyraý túskenin habarlady.
4A yqsham aýdanyndaǵy Caspian Rivera qonaqúiiniń artynda 2012 jyly týǵan bala 3-4 metr biikten qulap ketken. Qutqarýshylar politsiia qyzmetkerlerimen birge zardap shegýshini zembilmen jedel járdemge jetkizdi.
Balanyń jaǵdaiy týraly oblystyq densaýlyq saqtaý basqarmasy ókilderi aitty.
"Oqiǵa ornyna jedel jetken jedel járdem brigadasy balany oblystyq balalar aýrýhanasyna tekserýge jetkizdi. Dárigerler midyń tomografiiasyn jasady. Balaynń bassúiek-miy jaraqattanyp, miy shaiqalǵan", - delingen habarlamada.
Dárigerlerdiń aitýynsha, balanyń esi durys, balalar aýrýhanasynyń jaraqat bóliminde jatyr. Dárigerler balanyń únemi baqylaýda ekenin atap ótti.
