Erbol Izbergenov Aqtaý qalasynyń ákimi bolyp taǵaiyndaldy, - dep habarlaidy "Ult aqparat" Mańǵystaý oblysy ákiminiń baspasóz qyzmetine silteme jasap.
"3 qazanda óńir basshysy Nurlan Noǵaev qalalyq máslihat depýtattaryna basqa jumysqa aýysqan Nurdáýlet Qilybaidyń ornyna Aqtaýdyń jańa ákimi kandidatýrasyn usyndy. Prezident Ákimshiligimen kelisilgen jańa kandidat buryn Aqtaý ákiminiń orynbasary qyzmetin atqarǵan Erbol Izbergenov boldy", - delingen habarlamada.
Oblys ákimdigi málimetinshe, depýtattar Izbergenovtiń kandidatýrasyn qoldaǵan.
"Nurlan Noǵaev Nurdáýlet Qilybaiǵa atqarylǵan jumystar úshin alǵys aityp, Erbol Izbergenovke Aqtaý qalasynyń áleýmettik-ekonomikalyq damýyna qatysty birqatar naqty tapsyrma berdi, - baspasóz qyzmetiniń ókilderi.
