Barlyq óńir ákimderi epidemiiaǵa qarsy is-sharalardy qolǵa alýy qajet. Bul týraly Úkimet otyrysynda QR Densaýlyq saqtaý ministriniń mindetin atqarýshy Lázzat Aqtaeva aitty, dep habarlaidy "Ult aqparat".
Onyń atap ótýinshe, epidemiologiialyq jaǵdaidy baqylaý jáne halyqtyń sanitariialyq-epidemiologiialyq salamattylyǵyn qamtamasyz etý maqsatynda oblystardyń, Nur-Sultan jáne Almaty qalalarynyń ákimderi tabiǵi oshaqtar aýmaǵyndaǵy eldi mekenderde asa qaýipti infektsiialyq aýrýlardyń aldyn alý boiynsha epidemiiaǵa qarsy is-sharalardy, epizootiiaǵa qarsy sharalardy uiymdastyrýdy jáne júrgizýdi qolǵa alý tiis.
«Infektsiialyq aýrýlar oshaqtarynda epidemiiaǵa qarsy jáne profilaktikalyq is-sharalardy ýaqtyly júrgizýdi; Ulttyq egýler kúntizbesine sáikes egilýge jatatyn halyqty vaktsinatsiialaýmen ýaqtyly qamtýdy; infektsiialyq aýrýlardyń tabiǵi oshaqtary aýmaǵynda turatyn halyqtyń arasynda olardyń aldyn alý boiynsha aqparattyq-túsindirý jumystaryn júrgizýdi tapsyrýdy suraimyn», - dep ótindi ol Úkimet basshysy Asqar Maminge qarata aitqan sózinde.
