AQSh prezidenti Djo Baiden Ýkraina shyǵysyndaǵy "Donetsk halyq respýblikasy" (DHR) men "Lýgansk halyq respýblikasyna" (LHR) sanktsiia saldy. Jarlyq Aq úidiń saitynda jariialandy, dep habarlady Azattyq.
Qujat AQSh azamattaryna eki "respýblikanyń" ekonomikasyna investitsiia quiýǵa tyiym salady. Buǵan qosa, jikshil aimaqtarǵa AQSh-tan taýar eksporttaýǵa bolmaidy. Sonymen birge, atalǵan "respýblikalarda" jumys istegisi kelgen kez kelgen adamǵa sanktsiia salynýy múmkin.
Ýkrainanyń eki jikshil aimaǵyna qatysy bar múlik AQSh-qa túsken jaǵdaida, ol birden buǵattalady.
AQSh-tyń BUU Qaýipsizdik keńesindegi turaqty ókili Linda Tomas-Grinfild shuǵyl jinalysta sóilegen sózinde Pýtin "Minsk kelisiminiń túgin qaldyrmady" dep málimdedi. Onyń aitýynsha, Máskeý Resei imperiiasynyń Sovet Odaǵyna deiingi 100 jyl burynǵy aimaqtaryn qaitarǵysy keletinin málimdedi.
"Pýtin álemdi Birikken Ulttar Uiymy joq, imperiialar basqarǵan ýaqytqa keri shegergisi keledi. Biraq álem ilgeri jyljyp ketti. Qazir 1919 jyl emes, 2022 jyl" dep málimdedi Tomas-Grinfild.
Shuǵyl jinalysty ótkizýdi Ýkraina, Frantsiia jáne Eýroodaq suraǵan. Buǵan Reseidiń DHR men LHR aimaqtaryn táýelsiz el dep moiyndaýy sebep boldy. 22 aqpanda bul jobany Resei Memlekettik dýmasy maquldady.
