MTV USA arnasynda Dimash Qudaibergenniń qazaq tilinde shyrqaǵan ániniń beinebaiany kórsetiledi. Osylaisha Dimash – MTV arnasynan óz tilinde án salǵan tuńǵysh qazaqstandyq ánshi atanǵaly otyr. "Ult aqparat" bul týraly dimashnews.com saityna silteme jasap habarlaidy.
Beinebaiandy MTV USA arnasynyń resmi YouTube jelisi arqyly AQSh-tan ózge kez-kelgen el tamashalai alady.
«Meniń tyńdarmandaryma, álemniń ár túpkirindegi meniń ónerimdi baǵalaityn jankúierlerime shyn júregimmen alǵys aitamyn. Olar meniń bala armanymnyń oryndalýyna sebepker boldy. Qazaqstan ǵana emes, tórtkúl dúniedegi Dears-tarymnyń qoldaýyna razymyn. Qurmetim men alǵysym sheksiz», – dep Dimash óz lebizin bildirdi.
Beinebaian osy juma kúni Niý-Iork ýaqytymen 17:00 men 20:00 aralyǵynda, al Nur-Sultan ýaqytymen túngi 03:00 men tańǵy 06:00 aralyǵynda júkteletini belgili bolyp otyr. Bul Amerikada juma kúngi praim-taim ýaqyt. Dál osy ýaqytta MTV arnasyn eń kóp kórermen qaraidy.
