AQSh Memlekettik hatshysynyń kómekshisi Donald Lý AQSh-tyń Qazaqstandaǵy jańa elshisi qashan taǵaiyndalatynyn aitty, dep habarlaidy QazAqparat.
QR Syrtqy ister ministrliginde Qazaqstan men AQSh arasyndaǵy Keńeitilgen strategiialyq áriptestik jónindegi komissiia otyrysy aiasynda jýrnalister AQSh-tyń Qazaqstandaǵy jańa elshisi qashan keletinin surady.
«Meniń dosym, elshi Ýiliam Mozer menimen Vashingtonda jumys istep jatyr, biz Ortalyq Aziia taqyryby boiynsha jaýaptymyz. Men buǵan deiin Bishkekte jumys istegenmin. Nur-Sultandaǵy jańa elshige qatysty biz dúisenbide Memlekettik hatshyǵa jáne ákimshiligimizdiń basqa jetekshilerine osyndaǵy elshilikke úmitkerler boiynsha usynys jasadyq. Meniń oiymsha, Memlekettik hatshy men Prezident úmitkerdi jaqyn arada maquldaidy jáne jaqyn arada Qazaqstanǵa jiberedi», - dedi Donald Lý QR Syrtqy ister ministrliginde jýrnalister suraǵyna bergen jaýabynda.
Eske sala ketsek, qazan aiynda Memleket basshysy Qasym-Jomart Toqaev AQSh-tyń Qazaqstandaǵy Tótenshe jáne Ókiletti elshisi Ýiliam Mozerdi elimizdegi diplomatiialyq missiiasynyń aiaqtalýyna bailanysty qabyldap, alǵys bildirgen edi.
Búgin QR Syrtqy ister ministriniń orynbasary Aqan Rahmetýllin men AQSh Memlekettik hatshysynyń kómekshisi Donald Lýdyń tóraǵalyǵymen Qazaqstan men AQSh arasyndaǵy Keńeitilgen strategiialyq áriptestik jónindegi komissiia otyrysy ótti.
