Telegram messendjerinde AQSh-tyń Qazaqstandaǵy elshiligi ótken jyldyń jeltoqsan aiynda elge terroristik shabýyl jasalatyny týraly eskertkeni, sondai-aq byltyr qazan aiynan bastap AQSh azamattaryna Qazaqstanǵa kelmeýge keńes bergeni týraly habarlama taratqany jaily aqparat tarady. Keibir paidalanýshylardyń pikirinshe, bul AQSh-tyń qaiǵyly oqiǵalarǵa qatysy bar ekendigin dáleldeidi. Bul - feik, dep jazady Stopfake.kz saity.
Telegram habarlamasyna ótken jyldyń 16 jeltoqsanynda bolýy múmkin mitingiler týraly jazylǵan skrinshot tirkelgen. AQSh elshiliginiń habarlaýynsha, bul mátinniń qazirgi kezde Qazaqstanda bolyp jatqan oqiǵalarǵa eshqandai qatysy joq.
«Táýelsizdik kúnine josparlanǵan narazylyqtar týraly eskertýdiń bul mátini AQSh Diplomatiialyq missiiasynyń veb-saitynan alynǵan jáne 2021 jylǵy 16 jeltoqsanynda jariialanǵan, onyń qazirgi tolqýlarǵa qatysy joq. Biz Qazaqstanmen qarym-qatynasymyzdy baǵalaimyz jáne Qazaqstandaǵy oqiǵalardyń órbýin muqiiat qadaǵalap otyrmyz. Biz azamattarǵa saiahat táýekelderin baǵalaýǵa kómektesý úshin álemniń ár elindegi qaýipsizdik pen qorǵanys týraly aqparat usynamyz. Memlekettik departament AQSh úkimeti qyzmetkerleriniń, olardyń qaraýyndaǵy adamdar men AQSh azamattarynyń densaýlyǵy, qaýipsizdigi men qorǵalýyna basymdyq beredi. Saiahat týraly eskertýler men habarlamalar AQSh azamattaryna qaýipsizdik týraly sońǵy aqparatty bilýge kómektesedi. Barlyq eskertýler saitta qol jetimdi. Amerika Qurama Shtattary Qazaqstannyń táýelsizdigin, egemendigin jáne aýmaqtyq tutastyǵyn únemi qoldaidy. Bizdiń 30 jyldyq yntymaqtastyǵymyz Ortalyq Aziiadaǵy qaýipsizdik, damý, órkendeý jáne negizgi bostandyqtarǵa negizdelgen jáne aldaǵy jyldary bizdiń ekonomikalyq bailanystarymyz, qaýipsizdik pen adamdar arasyndaǵy qatynastar nyǵaia túsedi dep senemiz. Oqyrmandardy jalǵan aqparat pen boljamdarǵa senbeýge shaqyramyz. Anyqtama úshin, bizdiń barlyq «dabyldy» habarlamalarymyzdy (Alerts) myna jerden oqýǵa bolady», – delingen AQSh-tyń Qazaqstandaǵy Elshiliginiń baspasóz qyzmetiniń jaýabynda.
