AQSh-tyń burynǵy memlekettik hatshysy, áskeri basshy, shtab jetekshileri birikken komitetiniń jetekshisi Kolin Paýell 84 jasynda qaitys boldy. Onyń otbasy Facebook jelisinde Paýeldiń koronavirýstan kóz jumǵanyn habarlady. Oǵan koronavirýsqa qarsy vaktsina salynsa da, virýs juqqan, dep jazady Azattyq.
Áskeri salada qyzmet istegen general Kolin Paýell Vetnam soǵysyna qatysqan. Ronald Reigan tusynda ulttyq qaýipsizdik jónindegi prezident keńesshisi boldy. Ol - qara násildilerden osy laýazymǵa taǵaiyndalǵan alǵashqy Amerika azamaty. Djord Býsh prezident bolyp turǵan kezde shtab jetekshileri birikken komitetin basqardy. Kishi Djordj Býsh tusynda memlekettik hatshy boldy.
Ol is júzinde Amerika áskeriniń 1991 jyly aiaqtalǵan "Shóldegi daýyl" operatsiiasyna jetekshilik jasaǵan. Osy operatsiianyń nátijesinde Saddam Hýssein áskeri jeńiliske ushyrap, Kýveit bostandyqqa qol jetkizdi.
2000-jyldary memlekettik hatshy mindetin atqarǵan Paýell halyqaralyq qaýymdastyqty AQSh-tyń Iraktaǵy áskeri operatsiiasyn qoldaýǵa kóndirýge tyrysty. Ol Saddam Hýssein rejimin adamdardy jappai qyryp-joiatyn qaýipti qarý saqtady dep aiyptady.
Reseidiń resmi tulǵalary ony áli kúnge deiin BUU-da "Irakta tabylǵan biologiialyq qarýdy probirkamen ákep kórsetkendei keiip tanytty, shyn máninde probirka ishinde qarý joq" dep aiyptaidy. Paýeldiń Qaýipsizdik keńesiniń otyrysynda probirkany kórsetkeni anyq, biraq ol "probirka ishinde Iraktyń biologiialyq qarýy bar" dep tujyrymdaǵan joq. Ol sonyń kómegimen adamdardy jappai qyryp-joiý úshin qarýdyń bir ǵana probirkasy jetkilikti dep kórsetkisi kelgen.
Memlekettik hatshy bolyp turǵan tusta Paýell AQSh-tyń óz ishinde jii synǵa ushyrady. Kishi Djordj Býsh ekinshi merzimge sailanǵan kezde qyzmetinen ketti.
Birneshe sailaýda Paýell prezidenttikke túsetin kandidat retinde qarastyrylǵan, biraq sailaýǵa túsýden bas tartty. Respýblikashyl Paýell Tramp saiasatynan ózin alshaq ustaýǵa tyrysty.
