Túrkistanǵa Amerika Qurama Shtattarynyń Almatydaǵy Bas konsýly Kerolain Sevidj kezekti ret jumys saparymen keldi, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Mártebeli meimandy Túrkistan oblysy ákiminiń orynbasary Sáken Qalqamanov qabyldap, kelissózder júrgizdi. Kezdesýde AQSh konsýly Túrkistan óńirin damytý baǵytyndaǵy jobalardy talqylaýǵa daiyn ekenin jetkizdi. Adam quqyǵy, adam saýdasy, sý máselesi, jańa qýat kózderin paidalaný, úkimettik emes uiymdarmen jumys júrgizý boiynsha suraqtaryn qoiyp, tiisti maǵlumat aldy.
«Jyly qabyldaýlaryńyzǵa rahmet. Tarihi shaharda júzdesip otyrǵanyma qýanyshtymyn. Túrkistandaǵy oń ózgeristerdi kórip júrmiz. Áriptestikti nyǵaityp, túrli salalar boiynsha jumys isteýge múmkindik bar. Ótkende túrkistandyq stýdenttermen qyzyqty kezdesýler ótkizildi. Bilimdi, jigerli jastar bar eken. Shet tilin biletin jastar óńirdi damytýǵa úles qosady dep senemin», – dedi Kerolain Sevidj.
Sáken Qalqamanov Túrkistan oblysy qurylǵannan bastap óńirdiń ekonomikalyq-áleýmettik damýy jaqsarǵanyna toqtaldy.
«2018 jyly Túrkistan oblysy qurylyp, Túrkistan qalasy oblys ortalyǵy bolyp bekitildi. Osy jyldar investitsiia kólemi artyp, shet el investorlarymen áriptestik ornatý baǵytyndaǵy jumys kúsheie tústi. AQSh memleketi tarapynan keletin investorlarǵa qolaily jaǵdai jasaýǵa, áriptestik ornatýǵa árdaiym daiynbyz», – dedi ol.
Kezdesýde Túrkistannyń damýyna Orta Aziia memleketteriniń áseri, jańa qýat kózderin tabý, sý resýrsyn únemdeý, aýyl sharýashylyǵy salasynda jańa jobalardy qarastyrý máseleleri sóz boldy.
