Koronavirýstyń omikron shtammyn juqtyrý jaǵdailary Amerikanyń 50 shtatynyń keminde 10 shtatynda tirkeldi, dep habarlaidy QazAqparat The Wall Street Journal gazetine silteme jasap.
Basylymnyń jazýynsha, omikron shtammyn juqtyrý jaǵdailarynyń kópshiligi Afrikanyń ońtústiginen kelgen patsientterden anyqtalǵan. Alaida keminde eki shtattan - Gavaii men Minnesotada koroavirýstyń jańa shtammy AQSh-tan shyqpaǵan adamdardan tabylǵan.
AQSh-tyń Aýrýdy baqylaý jáne aldyn alý federaldy ortalyqtarynyń saitynda jariialanǵan statistikalyq kórsetkishterge sáikes, elde sońǵy birneshe kúnde koronavirýs juqtyrýshylar sany artqan. Beisenbi kúni AQSh-ta 138,4 myń aýrý juqtyrýdyń jańa jaǵdailary anyqtaldy. Dúisenbi kúni olardyń sany 102 myń bolǵan.
AQSh-ta koronavirýstyń omikron shtammyn juqtyrýdyń alǵshqy jaǵdaiy sársenbi kúni Kaliforniia shtatynda tirkeldi. Jańa shtamm anyqtalǵan patsient AQSh-qa 22 qarasha kúni OAR-dan kelgen. Ol tolyqtai vaktsinalanǵan.
