Singapýr biligi balalar úshin qaýip týǵyzatyn koronavirýstyń «singapýrlyq nusqasynyń» paida bolǵandyǵy týraly aqparatty joqqa shyǵardy.
Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiiasynyń Telegram kanaly habarlady.
«Virýstyń singapýrlyq nusqasy joq. Sońǵy aptalarda anyqtalǵan virýs úndistandyq shtamǵa sáikes keledi - B. 1.617.2», - dedi Singapýr Densaýlyq saqtaý ministrliginiń ókili.
Argentinada ótken táýlikte koronavirýs infektsiiasyn juqtyrýdyń 35 543 jańa jaǵdaiy anyqtaldy. Bul pandemiia bastalǵannan beri elde tirkelgen eń joǵary kórsetkish. Juqtyrǵandardyń jalpy sany 3 371 508-ge jetti. Sońǵy 24 saǵatta 745 naýqas koronavirýs infektsiiasy saldarynan kóz jumdy, bul aldyńǵy kezeńdermen salystyrǵanda kórsetkishtiń birneshe esege joǵarylaǵanyn kórsetedi.
Búgingi tańda AQSh halqynyń 47,5% SARS-CoV-2 vaktsinasynyń kem degende bir dozasyn aldy. AQSh aýrýlardy baqylaý jáne aldyn alý ortalyqtarynyń (CDC) málimetteri boiynsha, ótken aptada elde 12-15 jas aralyǵyndaǵy 600 myńǵa jýyq jasóspirim KVI-ge qarsy ekpe saldyrdy. Osy jastaǵy adamdar tobyna Biontech/Pfizer vaktsinasyn qoldaný retteýshi organdardyń ruqsatynan keiin júzege asyrylyp otyr. Jalpy alǵanda, 17 jasqa deiingi 4 millionnan astam adam koronavirýsqa qarsy egildi.
«Vaktsinatsiia aýrýdyń, aýrýhanaǵa jatqyzýdyń jáne ólimniń kúrt tómendeýine ákeldi. Pandemiia bastalǵannan beri alǵash ret barlyq 50 shtatta koronavirýs infektsiiasynyń jańa jaǵdailarynyń sany azaidy», - dedi Aq úidiń koronavirýspen kúres jónindegi keńesshisi Endi Slavitt.
Kanada biligi Sovid-19 pandemiiasyna bailanysty engizilgen shekteýlerdi tek kanadalyqtardyń 75% kem degende koronavirýsqa qarsy vaktsinanyń bir dozasyn saldyrǵannan keiin jeńildetiletindigi týraly málimdedi. Qazirdiń ózinde 17,3 million adam ekpe jasady, bul 12 jastan asqan halyqtyń 55%-n quraidy.
