Búgin AQSh-ta koronavirýsqa qarsy vaktsina synaǵy bastalady. Bul týraly AQSh úkimetine siltei otyryp, «Amerika daýysy» habarlady.
Sietldegi Kaiser Permanente Washington Health Research zertteý ortalyǵynda ótetin synaqty AQSh ulttyq densaýlyq saqtaý institýttary qarjylandyrady.
Synaq 18 ben 55 jas aralyǵyndaǵy, óz erkimen kelisim bergen 45 saý adamǵa jasalady. Olarǵa ulttyq densaýlyq saqtaý institýttary men Moderna kompaniiasy jasaǵan preparattardyń ártúrli dozasy egiledi. Eriktilerge aýrý juqpaidy, óitkeni preparat quramynda virýs joq. Test maqsaty - vaktsinanyń qosymsha saldary qandai ekenin anyqtaý. Bastapqy synaqtan soń aýqymdy synaq bastalady.
Sáýir aiynda Pensilvaniia ýniversiteti men Kanzas-siti synaq ortalyǵynda amerikalyq Inovio Pharmaceuticals kompaniiasynyń koronavirýsqa qarsy jasaǵan vaktsinasy synalýy múmkin. Bul synaqqa da ondaǵan erikti adam tartylady.
Qazir álemde ondaǵan zertteý institýty koronavirýs infektsiiasyna qarsy vaktsina jasaýmen shuǵyldanyp jatyr. Buǵan deiin Dúniejúzilik densaýlyq saqtaý uiymy koronavirýsqa qarsy alǵashqy vaktsina kem degende alty aidan soń paida bolýy múmkin degen edi. Alaida, aqpan aiynyń sońynda Qytaidyń Reseidegi konsýly vaktsina qazirdiń ózinde daiyn ekenin, biraq qosymsha tekseris qajetttigin málimdegen.
