2020 jyly EndeavorRx – AQSh-tyń Azyq-túlik jáne dári-dármek basqarmasy (FDA) balalardaǵy nazardyń jetispeýshiligi men giperaktivtiliktiń buzylýy aýrýyn emdeýde qoldanýǵa ruqsat bergen alǵashqy kompiýterlik oiyn boldy, dep habarlaidy QazAqparat BBC News-ke silteme jasap.
EndeavorRx oiynyna AQSh-ta dárigerlerdiń nusqaýlyǵymen ǵana ruqsat beriledi. Onyń bir qaraǵanda basqa oiyndardan aiyrmashylyǵy joq. Zattardy jinap, túrli álem arqyly ǵarysh kemesine júgiretin kishkentai adamdy basqarasyz. Biraq, qoldanbaǵa negizdelgen oiyn neirobiologtarmen birlesip ázirlengen jáne midyń zeiin qyzmetinde negizgi ról atqaratyn aimaqtaryn yntalandyrýǵa jáne jaqsartýǵa arnalǵan.
Dárigerler bul baǵdarlamalyq qosymshany taǵaiyndaǵan soń, balanyń ata-anasyna oiynnyń siltemesi jiberiledi. Bul oiynnyń tiimdi áserine AQSh-tyń Djordjiia shtatyndaǵy Savanna qalasynyń 13 jastaǵy turǵyny Ovein mysal bola alady. Oveinniń zeiini nasharlap, ol oqý úlgerimine áser etken. Taǵaiyndalǵan dári-dármekter balada júrek ainý men bas aýrýyn kúsheitkendikten toqtatylǵan. Oiyn taǵaiyndalǵannan keiin kóp uzamai ata-anasy balanyń minez-qulqyndaǵy oń ózgeristerdi baiqai bastaidy. Mektepke daiyndyq nátijeli bolyp, muǵalimder tarapynan keletin jaǵymsyz habarlamalar azaiǵan.
Endeavor ázirleýshisi – Bostondaǵy Akili tehnikalyq firmasy, ol aldaǵy ýaqytta oiyndy Eýropaǵa shyǵarýdy josparlap otyr.
