Grenlandiia men Antarktidada muzdyń erýi artty - VVS
Grenlandiia men Antarktidada muz 1990 jylǵy kórsetkishpen salystyrǵanda alty ese jyldam erip jatyr, dep habarlaidy VVS. Ǵalymdardyń aitýynsha, buǵan jahandyq jylyný áser etýde.
«1992-2017 jyldar aralyǵynda Grenlandiia men Antarktidada 6,4 trillion tonna muz erigen. Sonyń nátijesinde teńizdiń jahandyq deńgeii 17,8 mm-ge kóterilgen», - deidi Ulybritaniiadaǵy Lids ýniversitetiniń professory Endriý Shepard.
Onyń aitýynsha, muz erýiniń qazirgi jyldamdyǵy teńiz jaǵalaýyndaǵy aýmaqtardyń sý astynda qalýyna jáne jerdiń eroziiasyna alyp keledi.
«Eger osy qarqyn saqtalatyn bolsa, 2100 jylǵa qarai jyl saiyn 400 mln adam sý basý qaýpin sezinetin bolady», - dep jazady basylym.
Aita ketý kerek, Grenlandiia men Antarktida 1990 jyldary jylyna 81 mlrd tonna muzdan aiyrylsa, 2010 jyly bul kórsetkish jylyna 475 mlrd tonnaǵa jetken.
Jumysqa velosipedpen barý qaýipti - CNN
Jańa zertteý nátijesinde anyqtalǵandai, jumysqa velosipedpen barý basqa kólik quraldaryna qaraǵanda qaýipti bolyp shyqty. Ǵalymdar velosipedpen júrý fizikalyq forma men densaýlyq úshin paidaly bolǵanymen, onyń qaýipti ekenin anyqtady, dep jazady CNN.
«Velosipedpen júrý jaraqat alý qaýpin arttyrady. Dál sol sebepti Ulybritaniia halqynyń tek 4 paiyzy velosipedpen júredi. Al negizinen, halyqtyń 40 paiyzynda velosiped bar. Olardyń barlyǵy jumysqa velosipedpen barý qaýipti dep esepteidi», - dep jazady basylym.
Avtordyń aitýynsha, Glazgo ýniversitetiniń ǵalymdary Ulybritaniianyń 230 myńnan astam azamattarynyń qatysymen zertteý júrgizdi. Olar anyqtaǵandai, osy adamdardyń 45 paiyzynan astamy velosipedpen jumysqa bara jatqanda jaraqat alǵan.
«Zertteýge qatysýshylar 8,9 jyl baqylaýda boldy. Qoǵamdyq densaýlyq saqtaý uiymdary bul zertteý velosipedpen júretinder úshin qaýipsizdikti arttyrý qajettiligin kórsetkenin aitty», - dep jazady avtor.
AQSh koronavirýsty anyqtaityn sait jasaidy – Bloomberg
AQSh-ta Google kompaniiasynyń qoldaýymen adamdarǵa óz betimen koronavirýs belgilerin tekserýge múmkindik beretin sait jasalady. Bul týraly AQSh prezidenti Donald Tramp aitty, dep jazady Bloomberg.
«Prezidenttiń aitýynsha, saitta onlain suraqtar bolady. Sonyń nátijesinde azamattarǵa koronavirýsqa test tapsyrý qajettiligi anyqtalatyn bolady. Al test Walmart jáne Target sýpermarketteriniń avtoturaqtarynda qoljetimdi bolady. Sait naqty qalai jumys isteitini jáne qashan iske qosylatyny áli belgisiz», - dep jazady basylym.
Aita ketý kerek, qazirgi tańda AQShtyń 48 shtatynda koronaivrýs anyqtaldy. Koronavirýs juqtyrǵandar Amerikada 2 myńnan ósti.
Koronavirýs: BUU qyzmetkerleri qashyqtyqtan jumys isteýge kóshti – UN News
BUU shtab-páteriniń qyzmetkerleri koronaivrýs kesirinen ashyqtyqtan jumys isteýge kóshti. Bul týraly BUU jańalyqtar qyzmeti - UN News saity habarlady.
«BUU Bas hatshysy Antoniý Gýterrish 16 naýryz – 12 sáýir aralyǵynda barlyq qyzmetkerler úiden jumys isteitini týraly sheshim qabyldady. Qajettilik týyndaǵan jaǵdaida, mezim uzartylady», - dep jazylǵan habarlamada.
Sonymen qatar aqparatta naqty nusqaýlyqtarǵa júginý kerektigi aitylǵan.
«Dúniejúzilik densaýlyq saqtaý uiymynyń nusqaýlyqtaryn barynsha saqtap, virýstyń taralýyn bseńdetý mańyzdy», - dep jazylǵan aqparatta.
