AQSh qarjy ministrligi Iranǵa salynǵan sanktsiiany dúisenbide taǵy da ulǵaitty. Iran aiatollasy Áli Hamenei men Iran qarýly kúshteri bas shtabynyń ainalasyndaǵy toǵyz adamdy sanktsiia tizimine qosty.
AQSh qarjy ministri Stiven Mnýchin sanktsiiaǵa ilingen adamdardyń Amerikanyń sheteldegi nysandaryna shabýyl jasaǵandarǵa jáne Iran azamattaryn azaptaý men óltirýge qatysy bar dep málimdedi.
Sanktsiiaǵa ilingender arasynda aiatolla Hameneidiń uly Modjtab Hamenei, Iran qarýly kúshteri bas shtabynyń bastyǵy Mohammad Bageri, Hamenei ákimshiliginiń jetekshisi Golpaegani jáne Iran jetekshisiniń "oń qoly" Ýahid Haganian bar.
Sanktsiia týraly habar 1979 jyly Islam revoliýtsiiasynan keiin AQSh elshiligin basyp alyp, Amerikanyń ondaǵan azamatyn kepilge alý oqiǵasyna 40 jyl tolý qarsańynda jariialandy.
Sonymen qatar, dúisenbi kúni AQSh biligi ortalyq barlaý basqarmasynyń osydan 11 jyl buryn Iranda joǵalǵan burynǵy agenti Robert Levinsonnyń qaida ekenin anyqtaýǵa járdemi tietin aqparatqa 20 million dollar syiaqy berýge ýáde etkeni belgili boldy.
