AQSh-tyń Memlekettik hatshysy Entoni Blinken Qazaqstan halqyn Táýelsizdik merekesimen quttyqtady, dep habarlaidy QazAqparat Syrtqy ister ministrligine silteme jasap.
«Amerika Qurama Shtattarynyń atynan Qazaqstan halqyn 2021 jylǵy 16 jeltoqsandaǵy Qazaqstan Táýelsizdiginiń 30 jyldyǵymen quttyqtaimyn.
AQSh Qazaqstannyń ekonomikalyq bailanystardy nyǵaitý, órkendeý men ósýdi ilgeriletý boiynsha kúsh-jigerin, sondai-aq halyqaralyq beibitshilik pen qaýipsizdikke qosqan zor úlesin joǵary baǵalaidy.
Qazaqstan sońǵy otyz jyl ishinde Ortalyq Aziiadaǵy ózgeristerdiń ortalyǵynda boldy. Ol iadrolyq qarýdy taratpaýǵa degen berik ustanymymen ózin basqa elderge úlgi etip kórsetti jáne biz, júrgizilip jatqan saiasi jáne adam quqyqtary salasyndaǵy reformalarmen shabyttymyz. Amerika Qurama Shtattary Qazaqstandy Birikken Ulttar Uiymynyń Adam quqyqtary jónindegi keńesine sailanýymen quttyqtaidy. Biz sondai-aq Qazaqstannyń jańartylatyn energiia kózderin paidalanýdy keńeitý jáne sheteldik investitsiialar úshin klimatty jaqsartý jónindegi kúsh-jigerin qoldaimyz», - delingen Amerika Memlekettik hatshysynyń quttyqtaýynda.
Sondai-aq Blinken AQSh elimizdi dos retinde maqtanyshpen aitatynyn jetkizdi.
«Amerika Qurama Shtattary Qazaqstandy dos dep maqtanyshpen ataidy jáne onyń egemendigi, táýelsizdigi men aýmaqtyq tutastyǵyna berikpiz. Biz eki el azamattarynyń igiligi úshin strategiialyq seriktestikti odan ári nyǵaita beremiz», - dedi ol.
