AQSh elshiligi men konsýldyǵy Qazaqstan úkimetine Amerika qyzmetkerleri men azamattarynyń bir bóligin Almatydan ýaqytsha evakýatsiialaýdy qoldaǵany úshin alǵys bildirdi, - dep habarlaidy Tengrinews.kz tilshisi.
"AQSh Qazaqstan Úkimetine 12 qańtarda AQSh konsýldyǵynyń keibir qyzmetkerin, AQSh azamattaryn jáne basqa da shetel azamattaryn Almatydan ýaqytsha evakýatsiialaýdy qoldaǵany úshin alǵys bildiredi. Qazaqstan árqashan Amerika Qurama Shtattarynyń senimdi dosy bolǵan. Biz qazaqstandyqtardyń tabandylyǵyna jáne osy daǵdarystan shyǵatynyna senemiz", - delingen AQSh elshiliginiń habarlamasynda.
Sondai-aq, AQSh Qazaqstannyń konstitýtsiialyq institýttaryn da tolyq qoldaidy. Bul týraly AQSh memlekettik hatshysy Entoni Blinken 6 qańtarda Qazaqstannyń syrtqy ister ministri Muhtar Tileýberdige aitqan bolatyn.
"Qyzmetkerlerimiz jaǵdai jaqsarǵanda Almatyǵa oralady dep úmittenemiz", - dedi elshiliktegiler.
