Afrika kontinenti COVID-19 juqtyrǵandar sany boiynsha kóshbasshylar qatarynda. 12 tamyzdaǵy jaǵdai boiynsha koronavirýstyq infektsiianyń 7 136 140 rastalǵan jaǵdaiy tirkeldi, dep habarlaidy Afrikanyń aýrýlardy baqylaý jáne aldyn alý ortalyǵy.
COVID-19 taralýyna jol bermeý jónindegi vedomstvoaralyq komissiianyń Telegram kanalyndaǵy málimetterge qaraǵanda, qurlyqtaǵy pandemiia qurbandarynyń jalpy sany 179 986 adamdy qurady.
COVID-19 jaǵdailarynyń eń kóp sany tirkelgen elder - Ońtústik Afrika Respýblikasy, Marokko, Týnis, Egipet jáne Efiopiia.
AQSh tolyq immýndaý kýrsynan keiingi revaktsinatsiiany qoldanady. Azyq-túlik jáne dári-dármek sapasy jónindegi basqarma immýniteti tómen adamdar úshin vaktsinanyń úshinshi dozasyn qoldanýdy maquldady. Úshinshi doza retinde Pfizer jáne Moderna kompaniialarynyń preparattary qoldanylady.
«Basqarma koronavirýsqa qarsy Pfizer jáne Moderna vaktsinalaryn tótenshe jaǵdailarda qoldanýǵa ruqsat berdi, bul keibir immýniteti tómen adamdarǵa qosymsha dozany qoldanýǵa múmkindik usynady», - delingen agenttiktiń saitynda.
