Shtab bastyqtarynyń birikken komitetiniń tóraǵasy, AQSh armiiasynyń generaly Mark Milli 18 jyldan beri Aýǵanstanda turǵan Amerika áskeri áli de birneshe jyl sonda qala beretinin aitty.
10 qarashada AQSh-tyń AVS telearnasyna bergen suqbatynda Milli 2001 jyly 11 qyrkúiektegi terror shabýylynan keiin "Aýǵanstanǵa AQSh áskerin jiberýdiń bastapqy maqsaty - Aýǵanstandy terrorister tyǵylatyn orynǵa ainaldyrmaý bolatyn" dedi.
"Bul missiia áli de aiaqtalǵan joq, Missiia tabysty bolýy úshin Aýǵanstan úkimeti, aýǵan qaýipsizdik kúshteri terroristerdi aýǵan jerin ózge elderge, ásirese AQSh-qa shabýyl jasaýǵa paidalanbaityndai deńgeide ishki qaýipsizdikti qamtamasyz ete alatyndai bolýy tiis, - deidi Milli.
Qazirgi ýaqytta Aýǵanstanda AQSh-tyń 14 myńǵa jýyq áskeri qyzmetkeri men NATO basqarýyndaǵy missiia quramynda Eýropa elderiniń myń áskeri qyzmetkeri bar.
Prezident Donald Tramp AQSh-tyń qarýly janjal bolyp jatqan túrli elderden ketetin kez keldi dep birneshe ret málimdegen.
