Qazaqstandaǵy AQSh elshisi Djordj Krol elorda týraly qazaq tilinde óleń oqyp berdi, dep habarlaidy "Ult aqparat".
Elshiliktiń Feisbýk jáne Instagram paraqshasynda elshiniń elordany aralap júrip, Astana jaily óleń oqyp bergeni túsirilgen shaǵyn rolik jariialandy.
«Maǵan bul qala óte unaidy. Ol AQSh astanasy Vashingtonǵa uqaidy», - deidi elshi kóshede ótip bara jatqan qala turǵyndarymen áńgimelesip kele jatyp.
Elorda turǵynynyń Astana amerikalyq ortalyqtan jaqsyraq ekenin estigen elshi onyń sózimen kelisetinin aitady.
«Bálkim, iá. Qaýipsizdigi jaǵynan basymyraq. Óte kórkem ári zamanaýi qala», - deidi ol.
Roliktiń sońynda elshi aǵylshyn tilinde qazaqstandyqtardy quttyqtap, qolyna Qazaqstannyń Týy tústes tý ustap turyp balalarmen birge sapqa turyp, 20 sanyn kórsetedi.
