AQSh Áskeri-teńiz kúshteri áýede júrgen «ushatyn beimálim nysandar» túsirilgen videonyń shynaiylyǵyn rastady. Resmi tulǵalar bul nysannyń ne ekenin bilmeitinin málim etti, dep habarlaidy CNN.
AQSh Áskeri teńiz flotynyń baspasóz hatshysy Djozof Gredisher CNN-ge bergen suhbatynda jariialanǵan úsh beinematerialda «beimálim ushatyn nysandar» túsirilgenin rastady.
2017 jylǵy jeltoqsan men 2018 jylǵy naýryz aralyǵynda To The Stars Academy of Arts& Sciences jariialaǵan videoda áýede jyldam ushyp júrgen sopaqsha nysandar kórinedi. Olar infraqyzyl sensor kómegimen túsirilgen.
2004 jylǵy kadrlarda sensorlar nysandy ushyp bara jatqan kúiinde túsirgen. Alaida nysan jyldamdyǵy tez údegendikten anyq túsire almaǵan. 2015 jylǵy eki videoda ne kórgenin uqpai otyrǵan amerikalyq joiǵysh ushaq pilottardyń ózara áńgimesi jazylyp qalǵan.
«Baýyrym, bul – saitan alǵyr dron ǵoi», - deidi pilot alǵashqy videoda áriptesine.
«Qudaiym–aý! Jelge qarsy jyldam ushady eken»
«Mynanyń keremetin qara!»
Gredisherdiń aitýynsha, áskeri-teńiz kúshteriniń «beimálim ushatyn nysandarǵa» qatysty oqiǵany ashyq moiyndaýy, pilottarǵa qaýip tóndiretin osyndai «shabýyldardy» áýe ailaqtarynyń mańynda baiqap qalǵan turǵyndardyń qajetti mekemelerge ózderi habarlap turýy úshin qajet bolǵan.
«Men oqý-jattyǵý kezderinde osyndai jaǵdailar jii bolatyn aityp turmyn», - dedi ol.
Onyń sózine qaraǵanda, bul beimálim ushatyn zattardyń ne ekenin anyqtaýǵa múmkindik beretin jalǵyz jol – azamattardy osyǵan uqsas qubylystardy kórgen kezinde habarlap otyrýǵa yntalandyrý.
