© Sputnik / Vladislav Vodnev
Soltústik Qazaqstan oblysynyń ákimi Qumar Aqsaqalov Petropavl qalasynyń burynǵy ákiminiń qyzmetten ketýine qatysty alypqashpa áńgimeni joqqa shyǵardy, dep habarlaidy Sputnik Qazaqstan tilshisi.
Búginde oblys ortalyǵynda problema az emes. Oǵan qosa, eski JES-tiń bir murjasy opyrylyp qulady. Ekinshisi de buzylady. Onyń ornyna jańa murja salynýy qajet. Alaida halyq jumys jylytý maýsymyna deiin aiaqtalady degenge senbeidi. Petropavl qalasynyń ákimi sony túsinip, otstavkaǵa ketti degen áńgime tarady. Oblys ákimi Qumar Aqsaqalov bul boljamdy joqqa shyǵardy.
"Qala ákimi otstavkasynyń JES-ke esh qatysy joq. Biraq ol sondai sheshim qabyldady. Úsh jarym jyl istedi. Otstavkaǵa ketý týraly sheshimdi ózi qabyldady. Men jumys istemeimin degen azamatty qalai ustaimyn?", - dedi Aqsaqalov ortalyq kommýnikatsiialar qyzmetinde ótken brifingte.
Onyń sózine qaraǵanda, jýyrda jańa ákim taǵaiyndalady.
"Qazir birneshe kandidatýra qaraldy. Jaqynda taǵaiyndalady", - dep atap ótti Aqsaqalov.
Osy oraida oblys basshysy JES-ti jańartý jumystaryn ýaqytynda aiaqtaýǵa ýáde berdi. Onyń aitýynsha, qazir barlyq jumys keste boiynsha atqarylyp jatyr. Sondyqtan oblys ortalyǵynda jylytý maýsymynda problema bolmaidy.
