Foto: Dmitrii Golýbovich / Global Look Press
Aqparat jáne qoǵamdyq damý ministrligi ustalǵan jýrnalisterge qatysty túsinikteme berdi, dep habarlaidy vedomstvonyń baspasóz qyzmetine silteme jasap.
Vedomstvo málimdeýinshe, Aqparat jáne qoǵamdyq damý ministrligi BAQ salasyndaǵy ýákiletti organ bolyp tabylady jáne árqashan BAQ ókilderin qoldaý jónindegi ustanymdardy ustanady.
«Búgingi tańda QR aýmaǵynda BAQ ókilderi úshin tiisti aiyrym belgileri bekitilgen Beibit jinalystarda bolatyn jýrnalist (buqaralyq aqparat quraldarynyń ókili) qyzmetiniń qaǵidalary qoldanylady.
Keýdeshe, jeńdegi tańǵysh, japsyrma jýrnalistiń aiyrym belgileriniń nysandary bolyp tabylady. Kórsetilgen aiyrym belgilerin taǵyp júrý kezinde olardyń anyq kórinýin qamtamasyz etý qajet», delingen habarlamada.
Ministrlik BAQ ókilderin ustap alýdyń árbir jaǵdaiyn muqiiat tekseredi.
«Qazirgi ýaqytta quqyq qorǵaý organdarymen birlesip, ustap alýdyń barlyq faktileri boiynsha tekserý júrgizilip, zerdelenýde. Ustap alý faktilerin anyqtaýdaǵy negizgi problemalar jýrnalisterde aiyrym belgileriniń bolmaýy bolyp tabylady, bul olarǵa qatysty kásibi qyzmetterin júzege asyrýǵa ruqsat berýde problema týdyrdy.
Budan basqa, oqiǵalardyń kórsetilgen kezeńinde BAQ-tyń jekelegen ókilderi Qazaqstan Respýblikasynda «Beibit jinalystardy uiymdastyrý jáne ótkizý tártibi týraly» zańnamany buzý faktileri boiynsha, sondai-aq tótenshe jaǵdai kezinde quqyqtyq tártipti buzýǵa itermeleitin áreketteri jáne tikelei ózderiniń kásibi qyzmetterin júzege asyrmaǵany úshin ustaldy.
Ministrlik tótenshe jaǵdai rejiminiń talaptaryna túsinistikpen qaraýǵa jáne qatań saqtaýǵa, sondai-aq buqaralyq is-sharalardy jariia etý kezinde jýrnalisterdiń aiyrym belgilerine ie bolýǵa shaqyrady.
Atalǵan másele Ministrliktiń turaqty baqylaýynda», delingen habarlamada.
