Aqmola oblysynda Naýryz merekesi kúnderi ulttyq ertegiler kerýeni, chellendjder, baiqaýlar, bailanyssyz kontsertter, sondai-aq, ashyq aspan astyndaǵy kiiz úi-mýzeiler uiymdastyrylatyn bolady, dep habarlaidy "Ult aqparat" óńirdiń mádeniet, arhivter jáne qujattamalar basqarmasyna silteme jasap.
Usynylǵan Naýryz merekesin toilaýdyń jańa tujyrymdamasy sheńberinde Aqmola oblysynda merekelik is-sharalar 9 naýryzda bastaldy. Sol kezde oblystyń barlyq uiymdarynda qazaqtyń ulttyq kiimin dáripteý boiynsha chellendj bastaý aldy. Kelesi kezekte oblystyń barlyq óńirleriniń turǵyndaryn qamtityn baiqaýlar ótkiziledi. Olardy júzege asyrý úshin stsenariimen jáne barlyq qajetti sanitarlyq-epidemiologiialyq normalardy saqtai otyryp júrgizý erejeleri bekitildi.
Mysaly, oblystyq «Batamen el kógeredi», «Kelinder saiysy», «Jigit sultany», «Sybaǵa tartý», «Áldi,áldi, aq bópem», «Ulttyq kiim defilesi», «Kóktem arýy», «Ulttyq oilar» baiqaýlary, memlekettik tildi bilýge arnalǵan «Til – asyl qazyna» baiqaýy, «Shyńǵys han», «Qadir tańy», «Otbasylyq qupiia», «Konei svoih ne preryvaia beg» spektaklderiniń premeralary ótkiziledi.
Mádeniet, arhivter jáne qujattama basqarmasynyń basshysy Aigúl Sábitovanyń aitýynsha, mereke kúnderi oblys ortalyǵynyń turǵyndary úshin «Ulttyq ertegiler kerýeni» ulttyq ertegileriniń kerýeni usynylady.
«Sondai-aq, oblys aýdandary men qalalarynda, Kókshetaý qalasynyń on shaǵyn aýdanynda 10 altybaqan ornatylyp, Temirjol vokzaly, Saryarqa shaǵyn aýdany men «Táýelsizdik» alańynda ashyq aspan astyndaǵy «mýzei-kiiz úi» atty úsh ekspozitsiia ornatylady, al saýda úilerinde folklorlyq ansamblderdiń merekelik kontsertteri ótedi. Sondai-aq, miýzikldiń premerasy, onlain-teatrlandyrylǵan qoiylym, «Ǵasyrlar pernesi», «Merekelik shashý», «Qosh keldiń, Naýryz!», «Naýryzym-nurly yrysym» televiziialyq kontsertteri usynylady, - dep tolyqtyrdy A.Sábitova.
Sondai–aq, óńirde Naýryz meiramyna arnalǵan «Qut berekem - áz Naýryz», «Bylǵary buiymdary - kóshpendiler murasy» etno - kórmeleri, «Naýryz toiy – mereke, salt dástúrim bereke» salt-dástúrler seriiasyn kórsetý jáne kópshilikke taratý, «Jeti ata» ziiatkerlik baiqaýy, mánerlep oqý baiqaýlaryn, Qazaqstanda turatyn etnikalyq top ókilderiniń qatysýymen Qazaq tarihyn, salt-dástúrlerin bilýge arnalǵan ziiatkerlik viktorinalaryn ótkizý josparlanǵan.
«Respýblikalyq «30 igi is» marafony aiasynda meditsinalyq-áleýmettik mekemeler uiymdarynda, balalar úilerinde, beiimdeý ortalyqtarynda, mobildi toptar men volonterlerdiń, metsenattardyń, qaiyrymdylyq jáne erikti uiymdardyń qatysýymen «Meiirim kerek adamǵa», «Igi ispen jarasaiyq», «Tvori dobro» tárizdi qaiyrymdylyq aktsiialary toptamasy iske qosyldy. Mereke kúnderi Kókshetaý qalasynda páter ieleri kooperativteriniń qyzmetkerleri, meditsina qyzmetkerleri, politsiia qyzmetkerleri Naýryz kóje, baýyrsaq pisirip, eńbek adamdaryna qurmet kórsetetin bolady», - dedi A.Sábitova.
Vedomstvodan atap ótkendei, eldi mekenderde ǵimarattardyń, aýlalardyń qasbetterin bezendirý, dástúrli ulttyq taǵamdardy jergilikti jármeńkelerdi, balalarǵa arnalǵan oiyn-saýyq jáne tanymdyq baǵdarlamalardy, sonyń ishinde ulttyq sporttyq oiyndardy birlesip ótkizý josparlanǵan.
Eske sala keteiik, Aqmola oblysynda Táýelsizdiktiń mereitoilyq jylynda «Táýelsizdikke taǵzym» jobalar tsikline engen 500-den astam merekelik is-shara ótkiziledi.
