Aqmola óńirinde COVID-19-ǵa qarsy egý naýqany jalǵasýda. Ishki ister organdarynyń qyzmetkerleri de vaktsina ala bastady, dep habarlaidy "Ult aqparat" oblystyq PD baspasóz qyzmetine silteme jasap.
Aqmola oblysy politsiia departamenti gospitali basshylyǵynyń málimetinshe, tártip saqshylaryna ekpe salý úshin «Spýtnik V» vaktsinasynyń alǵashqy partiiasy jetkizildi.
Vedomstvoda alǵashqy ekpeni politsiia departamentiniń bastyǵy men onyń orynbasarlary aldy.
Búgingi tańda vaktsinatsiialanǵan tártip saqshylarynyń sany 50 adamdy qurap otyr.
Bul patrýldik politsiia qyzmetkerleri men ýchaskelik politsiia inspektorlary, olar aldyńǵy qatarda jáne basqa qyzmetterdiń qyzmetkerlerine qaraǵanda halyqpen tikelei bailanysta.
Aýrýhananyń meditsinalyq qyzmetkerleri COVID-19-ǵa 11 myńǵa jýyq tártip saqshylaryn tekserdi, olardyń 3 paiyzǵa jýyǵynda oń nátije anyqtaldy.
«Belgili sebepterge bailanysty ekpe almaityn qyzmetkerler bar. Olarǵa ázirge ekpe salynbaidy. Qalǵan qyzmetkerler búginnen bastap vaktsinany ala bastady» dep atap ótti gospital basshysy Anargúl Muqasheva.
Birinshi bolyp ekpe alǵan PD patrýldik politsiia batalonynyń 5-shi vzvodynyń komandiri, politsiia aǵa leitenanty Daniiar Amanjol óziniń jaǵdaiy týraly aityp, ekpe alý sebebin túsindirdi.
«Koronavirýsqa qarsy vaktsinatsiia bastalǵanyn habarlaǵan kezde men ony birden alǵym keletinin aittym. Byltyrǵy jaǵdai adamzat balasy úshin densaýlyqtan mańyzdy eshteńe joq ekenin kórsetti. Biz, politseiler, sondai-aq meditsina qyzmetkerleri azamattarmen tyǵyz bailanysta jumys isteimiz. Men kún saiyn jol qozǵalysyna qatysýshylarmen jumys isteimin. Vaktsina alý meniń densaýlyǵyma ǵana emes, ainalamdaǵylardyń saýlyǵy úshin de qajet», - dedi ol.
