Aqmola oblysyndaǵy Jańa Qima aýylynda jer úi órtenip, eki bala tútinge ýlanyp qalǵan, - dep habarlaidy Tengrinews.kz.
"Úlkenderdiń qaraýynsyz qalǵan 3 jáne 5 jastaǵy eki bala sirińkemen oinap júrip, jihazdy órtegen. Úiden tútin shyǵyp jatqanyn baiqap qalǵan kórshiler dereý terezeni syndyryp, balalardy syrtqa shyǵarǵan", - dedi oblystyq tótenshe jaǵdailar departamenti ókilderi.
Sábiler birden Qima aýyldyq aýrýhanasyna jiberilgen. Alaida, kómirqyshqyl gazynan ýlanǵan balalar meditsinalyq mekemede esin jimastan jan tapsyrǵan.
Vedomstvo málimetinshe, qaiǵyly oqiǵa kezinde balalardyń ákesi jumysta, al anasy az ýaqytqa dúkenge shyǵyp ketken.
Aqmola oblysynyń Tótenshe jaǵdailar departamenti ata-analardy kishkentai balalardy jalǵyz qaldyrmaýǵa shaqyrady.
