.jpeg)
Foto: Polisia.kz
Aqmola oblysynyń politseileri ózgeniń kóligin aidap ketken adamdy 40 minýt ishinde qaitardy, – dep habarlaidy «Ult aqparat» Polisia.kz-ke silteme jasap.
Aqmola oblysy Arshaly aýdanynyń politsiia bólimine Audi 100 avtokóliginiń urlanǵany týraly aqparat kelip tústi. Ózgeniń kóligin aidap ketken er adam politseilerdiń toqtaý talaptaryn elemei, joǵary jyldamdyqpen júrgen. Osy faktige qatysty sotqa deiingi is júrgizý dereý bastaldy. Politseiler ustaý josparyn jariialady.
Arnaiy is-sharany ótkizý barysynda urlanǵan kólik Arshaly kentinde baiqaldy. Qyzmettik avtokólikti baiqaǵan qaskúnem jol erejesin saqtamai, Almaty-Ekaterinbýrg qatynasy avtomagistraldiń qarsy jolaǵymen Qaraǵandy qalasyna qarai bet alǵan er adam, onda birer minýttan keiin aýdannyń eldi mekenderiniń birinde ustaldy.
Buryn birneshe ret sottalǵan 30 jastaǵy er adam ýaqytsha ustaý izoliatoryna qamaldy. Tiisti saraptamalar taǵaiyndaldy. Zattai dálel retinde avtokólik tárkilendi.
