اقمولادا ٶزگەنٸڭ كٶلٸگٸن ايداپ كەتكەن ادام ۇستالدى

فوتو: Polisia.kz

اقمولا وبلىسىنىڭ پوليتسەيلەرٸ ٶزگەنٸڭ كٶلٸگٸن ايداپ كەتكەن ادامدى 40 مينۋت ٸشٸندە قايتاردى, – دەپ حابارلايدى «ۇلت اقپارات» Polisia.kz-كە سٸلتەمە جاساپ.

اقمولا وبلىسى ارشالى اۋدانىنىڭ پوليتسييا بٶلٸمٸنە Audi 100 اۆتوكٶلٸگٸنٸڭ ۇرلانعانى تۋرالى اقپارات كەلٸپ تٷستٸ. ٶزگەنٸڭ كٶلٸگٸن ايداپ كەتكەن ەر ادام پوليتسەيلەردٸڭ توقتاۋ تالاپتارىن ەلەمەي, جوعارى جىلدامدىقپەن جٷرگەن. وسى فاكتٸگە قاتىستى سوتقا دەيٸنگٸ ٸس جٷرگٸزۋ دەرەۋ باستالدى. پوليتسەيلەر ۇستاۋ جوسپارىن جارييالادى. 

ارنايى ٸس-شارانى ٶتكٸزۋ بارىسىندا ۇرلانعان كٶلٸك ارشالى كەنتٸندە بايقالدى. قىزمەتتٸك اۆتوكٶلٸكتٸ بايقاعان قاسكٷنەم جول ەرەجەسٸن ساقتاماي, الماتى-ەكاتەرينبۋرگ قاتىناسى اۆتوماگيسترالدٸڭ قارسى جولاعىمەن قاراعاندى قالاسىنا قاراي بەت العان ەر ادام, وندا بٸرەر مينۋتتان كەيٸن اۋداننىڭ ەلدٸ مەكەندەرٸنٸڭ بٸرٸندە ۇستالدى.

 بۇرىن بٸرنەشە رەت سوتتالعان 30 جاستاعى ەر ادام ۋاقىتشا ۇستاۋ يزولياتورىنا قامالدى. تيٸستٸ ساراپتامالار تاعايىندالدى. زاتتاي دەلەل رەتٸندە اۆتوكٶلٸك تەركٸلەندٸ.