Sýret: Polisia.kz
Aqmola oblysynda kólik tizgindegen 15 jastaǵy jasóspirim jol apatyna ushyrady, - dep habarlaidy Polisia.kz.
2 maýsymda Stepnogorsk qalasynyń Politsiia basqarmasyna jedel járdem stantsiiasynyń feldsherinen jol apatyna ushyraǵan jasóspirimderge meditsinalyq kómek kórsetilgeni týraly habarlama kelip túsken.
Aldyn-ala aqparat boiynsha, 2 maýsymda saǵat 07:20 shamasynda Makinsk - Aqsý - Torǵai tasjolynyń 129-shaqyrymynda Stepnogorsk qalasynyń kámeletke tolmaǵan turǵyny Volkswagen Golf avtokóligin basqara otyryp, rólge ie bola almai qalǵan. Osylaisha, kólik kiývetke qulap, birneshe ret aýdarylǵan. Oqiǵa saldarynan 13, 15 jáne 16 jastaǵy kámeletke tolmaǵan jolaýshylar kólikten ushyp ketken.
Portal málimetinshe, jol-kólik oqiǵasynan keiin jasóspirimder Stepnogorsk qalasyna baǵyttas kóliktermen jetip, ata-analaryna bolǵan jaǵdai týraly aityp bergen. Qazir olar túrli jaraqattarmen Stepnogorsk qalasynyń aýrýhanasyna jatqyzyldy.
Osy derekke qatysty QR Qylmystyq kodeksiniń 345-baby 2-bóligi (Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy) boiynsha sotaldy tergeý bastalyp, saraptama taǵaiyndalǵan. Al, avtokólik Stepnogorsk qalasyndaǵy aiyppul turaǵyna qoiylǵan.
"Tekseris barysynda Stepnogorsk qalasynyń 15 jastaǵy turǵyny jezdesine tiesili avtokóliktiń kiltin suraýsyz úiden alyp ketkeni anyqtaldy. Dostaryn avtokólikpen qydyrtý qaiǵyly oqiǵaǵa ákep soǵa jazdady.
Kámeletke tolmaǵandardyń saǵat 23:00-den keiin úiden tys jerde bolǵany úshin olardyń ata-analary QR ÁQBtK-niń 442-baby (Kámeletke tolmaǵandardyń zańdy ókilderiniń erip júrýinsiz túngi ýaqytta oiyn-saýyq mekemelerinde nemese úiden tys jerde bolýy) boiynsha ákimshilik jaýapkershilikke tartylady" delingen aqparatta.
