Aqmola oblysynda azamattyq nekedegi áieliniń qolyn, qabyrǵasyn syndyryp, jertólege qamaq qoiǵan er adam ustaldy, dep habarlaidy "Ult aqparat".
Politsiia departamentiniń baspasóz qyzmetiniń málimetinshe, 15 aqpanda Bulandy aýdanynyń turǵyny ýchaskelik politsiia inspektoryna habarlasyp, 41 jastaǵy qyzy uzaq ýaqyt boiy telefon qońyraýlaryna jaýap bermeitinin aitqan.
Anyqtalǵandai, áieldiń azamattyq nekedegi kúieýi bolǵan. Erli-zaiyptylar arasynda qyzǵanysh janjal týyndap, 39 jastaǵy er adam mas kúiinde áielin urǵan. Osynyń saldarynan áieldiń qoly men qabyrǵalary synǵan. Bul azdai, er adam áieldi úidiń jertólesine qamady. Oqiǵany kórshisi kezdeisoqta baiqap qalǵan. Osydan keiin qaskúnem úiinen qashyp ketedi. Alaida, ýchaskelik inspektor er adamnyń jasyrynǵan jerin anyqtady.
«Qazirgi kezde osy oqiǵaǵa bailanysty Qylmystyq kodekstiń 107-baby «Densaýlyqqa qasaqana aýyrlyǵy ortasha ziian keltirý» jáne 126-babynyń 1 bóligi «Bas bostandyǵynan zańsyz aiyrý» boiynsha eki qylmystyq is qozǵalyp, sotqa deiingi tergeý amaldary júrgizilýde», - dedi vedomstvodan.
