Foto: polisia.kz
Aqmola turǵyny kiberalaiaqtarǵa 30 mln teńge aýdarǵan, – dep habarlaidy "Ult aqparat" Polisia.kz portalyna silteme jasap.
Tártip saqshylary aqshany kriptovaliýtaǵa, aktsiialarǵa, baǵaly metaldarǵa, iri munai korporatsiialaryna jáne t.b. investitsiialaý arqyly úlken dividendter beretin kúmándi jobalarǵa aqsha salmaýdy usynady.
Politseilerdiń aitýynsha, kibershabýyldar gipnoz jáne NLP ádisteri arqyly jasalady, sodan keiin alaiaqtar adamdardyń ne bolyp jatqanyn tiisti túrde baǵalai almaityndyǵyn paidalanady.
Máselen, 19 jeltoqsanda Aqmola oblysynyń turǵyny politsiiaǵa alaiaqtyq týraly aryzben júgingen. Áiel YouTube qosymshasynda birneshe ret “Halyq banki” jáne “QazMunaiGaz” platformalarynda aqshalai qarajatty tiimdi investitsiialaý týraly habarlandyrýlarǵa tap bolǵanyn aitady.
Qyzyǵýshylyq tanytqan áiel óziniń nómirin qaldyrǵan, keiinirek oǵan belgisiz adam qońyraý shalǵan. Qosymsha tabys syltaýymen er adam investitsiialyq alańda tabys tabý úshin banktik shotyna aqsha aýdarýdy suraidy.
Sodan soń ártúrli “menedjerler” jábirlenýshimen salymshy retinde jumys istei bastaǵan. Olardyń basshylyǵymen áiel bir aida saýda alańynyń shotyna shamamen 30 mln teńge aýdarǵan, osy maqsattar úshin jábirlenýshi dostary men týystarynan milliondaǵan somany qaryzǵa, sondai-aq túrli bankterden nesie alǵan. Keiinirek aqshany alýǵa tyrysyp, ótinish berýshi ártúrli kedergilerge tap bolady jáne alaiaqtardyń qurbany bolǵanyn túsinedi.
Shortandy politsiia bólimi osy fakti boiynsha QR QK-niń 190-babynyń 4-bóligi (Alaiaqtyq) boiynsha sotqa deiingi tergeýdi bastady.
Kúdiktilerdiń jeke basyn anyqtaý boiynsha jedel-izdestirý is-sharalary júrgizilip jatyr.
