Búgin Aqmola oblysynda «Kokshetau Folkfest» «Dostyq kerýeni» óńiraralyq folklorlyq festivali sátti aiaqtaldy. Is-shara oblystyq mádeniet, muraǵattar jáne qujattama basqarmasynyń uiymdastyrýymen Býrabai kýrortynda ótti.
Festivalge Aqmola, Qaraǵandy, Qostanai, Soltústik Qazaqstan oblystarynan jáne Nur-Sultan qalasynan kásibi, kórkemónerpaz folklorlyq ujymdar men jeke oryndaýshylar qatysty.
«Festivaldiń basty maqsaty ózindik mádenietti, túrli etnostardyń folkloryn jańǵyrtý, saqtaý jáne tanymal etý, rýhani birlk pen ultaralyq kelisimdi nyǵaitý boldy. Aqmolalyqtar men óńirimizdiń qonaqtary úshin elimizdiń eń jarqyn jáne talantty ujymdary men oryndaýshylarynyń folklorlyq shyǵarmashylyǵymen tanysýǵa tamasha múmkindik týdy», - deidi mádeniet, muraǵattar jáne qujattama basqarmasy basshysynyń orynbasary Gúlmira Beknazarova.
Mádeniet, muraǵattar jáne qujattama basqarmasynda atap ótkendei, Aqmola oblysynyń shyǵarmashylyq ujymdary tek respýblikalyq sahnada ǵana emes, sondai-aq halyqaralyq arenada da bai tájiribe jinaqtady. Mysaly, biyl «Rýhani jańǵyrý» baǵdarlamasynyń «Zamanaýi Qazaqstan jahandyq álemde» arnaiy jobasyn júzege asyrý aiasynda Aqmola oblystyq «Gákký» filarmoniiasynyń bi ujymy Birikken Arab Ámirlikterinde «Qazaq mádeni murasy aptalyǵynyń» qatysýshysy boldy. «Kókshetaý» mádeniet saraiynyń shyǵarmashylyq ujymdary Resei, Túrkiia jáne Grýziiany óz daryndaryna toǵystyrdy, onda horeografiialyq ónerdiń halyqaralyq festival-konkýrstarynda I, II jáne III dárejeli laýreattar jáne Gran-Pri iegerleri atandy.
Sondai-aq, Qazaqstannyń halyqaralyq mádeni keńistikke kirigýine biylǵy jyly Reseidiń, Polshanyń, Monǵoliianyń, Egipettiń jáne Ońtústik Koreianyń halyqaralyq is-sharalaryna qatysqan kórkemónerpazdar shyǵarmashylyq ujymdary óz úlesin qosty.
«Rýhani jańǵyrý» baǵdarlamasy teatr óneri qairatkerlerine de shabyt berdi. Aqmola oblystyq qazaq mýzykalyq-drama teatry úshin olardyń «Jeńimpaz portreti» jobasynyń amerikalyq diplomatiialyq missiia uiymdastyrǵan halyqaralyq qysqa metrajdy filmder konkýrsynda 2019 jylǵy úzdik qysqa metrajdy filmder jinaǵyna enýi úlken jetistik boldy. Sol jyly oblystyq orys drama teatry Býinsk qalasynda (Resei) ulttyq teatrlardyń III Halyqaralyq festivaliniń qatysýshysy boldy.
