بٷگٸن اقمولا وبلىسىندا «Kokshetau Folkfest» «دوستىق كەرۋەنٸ» ٶڭٸرارالىق فولكلورلىق فەستيۆالٸ سەتتٸ اياقتالدى. ٸس-شارا وبلىستىق مەدەنيەت, مۇراعاتتار جەنە قۇجاتتاما باسقارماسىنىڭ ۇيىمداستىرۋىمەن بۋراباي كۋرورتىندا ٶتتٸ.
فەستيۆالگە اقمولا, قاراعاندى, قوستاناي, سولتٷستٸك قازاقستان وبلىستارىنان جەنە نۇر-سۇلتان قالاسىنان كەسٸبي, كٶركەمٶنەرپاز فولكلورلىق ۇجىمدار مەن جەكە ورىنداۋشىلار قاتىستى.
«فەستيۆالدٸڭ باستى ماقساتى ٶزٸندٸك مەدەنيەتتٸ, تٷرلٸ ەتنوستاردىڭ فولكلورىن جاڭعىرتۋ, ساقتاۋ جەنە تانىمال ەتۋ, رۋحاني بٸرلك پەن ۇلتارالىق كەلٸسٸمدٸ نىعايتۋ بولدى. اقمولالىقتار مەن ٶڭٸرٸمٸزدٸڭ قوناقتارى ٷشٸن ەلٸمٸزدٸڭ ەڭ جارقىن جەنە تالانتتى ۇجىمدارى مەن ورىنداۋشىلارىنىڭ فولكلورلىق شىعارماشىلىعىمەن تانىسۋعا تاماشا مٷمكٸندٸك تۋدى», - دەيدٸ مەدەنيەت, مۇراعاتتار جەنە قۇجاتتاما باسقارماسى باسشىسىنىڭ ورىنباسارى گٷلميرا بەكنازاروۆا.
مەدەنيەت, مۇراعاتتار جەنە قۇجاتتاما باسقارماسىندا اتاپ ٶتكەندەي, اقمولا وبلىسىنىڭ شىعارماشىلىق ۇجىمدارى تەك رەسپۋبليكالىق ساحنادا عانا ەمەس, سونداي-اق حالىقارالىق ارەنادا دا باي تەجٸريبە جيناقتادى. مىسالى, بيىل «رۋحاني جاڭعىرۋ» باعدارلاماسىنىڭ «زاماناۋي قازاقستان جاھاندىق ەلەمدە» ارنايى جوباسىن جٷزەگە اسىرۋ اياسىندا اقمولا وبلىستىق «گەككۋ» فيلارمونيياسىنىڭ بي ۇجىمى بٸرٸككەن اراب ەمٸرلٸكتەرٸندە «قازاق مەدەني مۇراسى اپتالىعىنىڭ» قاتىسۋشىسى بولدى. «كٶكشەتاۋ» مەدەنيەت سارايىنىڭ شىعارماشىلىق ۇجىمدارى رەسەي, تٷركييا جەنە گرۋزييانى ٶز دارىندارىنا توعىستىردى, وندا حورەوگرافييالىق ٶنەردٸڭ حالىقارالىق فەستيۆال-كونكۋرستارىندا ٸ, ٸٸ جەنە ٸٸٸ دەرەجەلٸ لاۋرەاتتار جەنە گران-پري يەگەرلەرٸ اتاندى.
سونداي-اق, قازاقستاننىڭ حالىقارالىق مەدەني كەڭٸستٸككە كٸرٸگۋٸنە بيىلعى جىلى رەسەيدٸڭ, پولشانىڭ, مونعولييانىڭ, ەگيپەتتٸڭ جەنە وڭتٷستٸك كورەيانىڭ حالىقارالىق ٸس-شارالارىنا قاتىسقان كٶركەمٶنەرپازدار شىعارماشىلىق ۇجىمدارى ٶز ٷلەسٸن قوستى.
«رۋحاني جاڭعىرۋ» باعدارلاماسى تەاتر ٶنەرٸ قايراتكەرلەرٸنە دە شابىت بەردٸ. اقمولا وبلىستىق قازاق مۋزىكالىق-دراما تەاترى ٷشٸن ولاردىڭ «جەڭٸمپاز پورترەتٸ» جوباسىنىڭ امەريكالىق ديپلوماتييالىق ميسسييا ۇيىمداستىرعان حالىقارالىق قىسقا مەتراجدى فيلمدەر كونكۋرسىندا 2019 جىلعى ٷزدٸك قىسقا مەتراجدى فيلمدەر جيناعىنا ەنۋٸ ٷلكەن جەتٸستٸك بولدى. سول جىلى وبلىستىق ورىس دراما تەاترى بۋينسك قالاسىندا (رەسەي) ۇلتتىق تەاترلاردىڭ ٸٸٸ حالىقارالىق فەستيۆالٸنٸڭ قاتىسۋشىسى بولدى.
