Aqmola oblysy politsiia departamentiniń bastyǵy general-maior Armanbek Baimýrzin Halyqaralyq áielder kúni qarsańynda Makinsk qalasynda turatyn qaza tapqan politsiia qyzmetkeri Anatolii Drobchaktyń otbasyna bardy, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
«Politsiianyń aǵa serjanty Anatolii Drobchak 20 jyldan astam ýaqyt ishki ister organdarynda qyzmet etti, 2012 jyly ol qyzmettik mindetterin atqarý kezinde qaitys boldy», - dedi vedomstvodan.
Departament basshysy marqumnyń jesirin kele jatqan merekemen quttyqtap, oǵan syilyq pen gúl syilady.
«Sizdiń jan joldasyńyz, bizdiń áriptesimiz Anatolii Evstahievich ómirin Otanǵa adal qyzmet etýge arnady. Ol búgingi politsiia qyzmetkerlerine - úlgi-ónege. Anatolii Evstahievichtiń esimi bizdiń jadynymyzda máńgi saqtalǵan», - dei kele, vedomstvo basshysy onyń otbasy men týystaryna tózimdilik úshin alǵys bildirdi.
Sondai-aq, A.Baimýrzin kópbalaly otbasynyń áleýmettik-turmystyq jaǵdaiyn surap bilip, Anatolii Evstahievichtiń jaqyndary árqashan politsiia tarapynan kómek pen qoldaý kórsetetinin atap ótti.
«Qazaqstan táýelsizdik alǵannan keiin 700-den astam politsiia qyzmetkeri, sonyń ishinde aqmolalyq tártip saqshylary qaza tapty. Olar týraly estelik áriptesteriniń júreginde máńgi qalady. Politsiia qyzmetkerleri árqashan áriptesteriniń otbasylaryna kómek qolyn sozýǵa daiyn. Qaza bolǵan politseilerdiń analary, jesirleri men balalary olardyń esinde jáne qamqorlyǵynda», - dep tolyqtyrdy vedomstvodan.
