Foto: 24.kz
Aqmola oblysyndaǵy altyn óndirý fabrikasynda jumysshy qaza tapty, - dep habarlaidy Tengrinews.kz agenttigi "Habar 24" arnasyna silteme jasap.
Telearna málimetinshe, qaiǵyly oqiǵa Abai aýylynan 4 shaqyrym jerde, "Altyntaý Kókshetaý" altyn óndirý kásiporny aýmaǵynda bolǵan.
Oqiǵa salmaǵy bir tonnaǵa jýyq reagentter salynǵan úlken qaptardy túsirý kezinde bolǵan. 48 jastaǵy reagentter bóliminiń jumysshysyna qaptardyń biri túsip ketken. Er adam alǵan jaraqattarynan qaza tapty.
Qazir oqiǵa ornynda politsiia men eńbek inspektsiiasy jumys istep jatyr. Mamandar qaiǵyly oqiǵanyń mán-jaiyn anyqtap jatyr.
