Aqmola oblysynda jasóspirimdi pyshaqpen qorqytqan 60 jastaǵy kúdikti ustaldy, dep habarlaidy QazAqparat.
Oblystyq Politsiia departamenti baspasóz qyzmetiniń málimetinshe, biylǵy jylǵy qazannyń 19-da Ereimentaý aýdandyq PB kezekshilik bólimine 52 jastaǵy jergilikti turǵynynan aryz túsken. Er adamnyń sózinshe, onyń 16 jastaǵy ulyn er adam pyshaqpen qorqytqan.
«Jedel-izdestirý is-sharalary barysynda buryn Qylmystyq kodekstiń 99-shy babynyń 1-bóligi, 293-shi babynyń 3-bóligi boiynsha qylmystyq jaýapqa tartylǵan jergilikti turǵyn, 60 jastaǵy er adam anyqtaldy. Tekserý kezinde kúdiktiden pyshaq tárkilendi», - dedi vedomstvodan.
Qazirgi kezde osy oqiǵaǵa bailanysty Qylmystyq kodekstiń 293-shi babynyń 3-bóligi «buzaqylyq» boiynsha sotqa deiingi tergeý amaldary qolǵa alyndy. Kúdiktini qamaýǵa alý túrindegi bultartpaý sharasy tańdaldy.
