Aqmola oblysynda úi qustary jappai qyrylǵan aýylǵa shekteý sharalary engizildi, dep habarlaidy "Ult aqparat".
Oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, Jarqaiyń aýdanynyń Shoiyndykól aýylynda 200-den astam úi qusy (qaz, úirek, taýyq) ólgen. Qustardyń jappaiy qyrylýy aýyldaǵy 65 úidiń 19-ynda tirkelgen. Qustardyń ólimine qus tumaýy kúdik týǵyzyp otyr.
«Veterinarlyq qyzmetter úi-úidi aralap, tekserýde. Turǵyndardyń arasynda qus tumaýymen aýrý oqiǵasy tirkelgen joq. Aýdan ákiminiń qaýlysy jáne aýdandyq shtabtyń sheshimen Shoiyndykól aýylyna shekteý engizildi. Onyń ishinde, úi qustarynyń barlyq túriniń qozǵalysyna, asa qajettilik bolmasa aýyl turǵyndarynyń júrip-turýyna tyiym salyndy», - dedi vedomstvodan.
Turǵyndar arasynda qus tumaýyn boldyrmaý jáne indettiń taralýynyń aldyn alý boiynsha Jarqaiyń aýdandyq ákimdigi, aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasy jáne veterinarlyq qyzmet mamandary túsindirý jumystaryn júrgizýde.
Aita ketsek, elimizde qus tamýynyń taralýyna bailanysty Aqmola oblysy aýmaǵynda keshendi sharalar qolǵa alynǵan bolatyn.
