Aqmola oblysynda jazataiym oqiǵa saldarynan 16 jastaǵy bozbala kóz jumdy, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, búgin sáýirdiń 8-de saǵat 11:00 Esil aýdandyq politsiia bólimine aýdandyq aýrýhana feldsheri habarlasyp, aýrýhanaǵa jetkizilgen jasóspirimniń qaitys bolǵanyn aitqan.
«Anyqtalǵandai, Esil qalasynyń 16 jastaǵy turǵyny 1-kýrs stýdentiniń ústine «Esil qalasynyń №7 agrotehnikalyq kolledjiniń» aýmaǵynan tys jerde ornalasqan kókónis qoimasyna kire beristegi shatyrdan (kúnqaǵardan) beton plita qalǵan. Osy oqiǵa Qylmystyq kodekstiń 306 babynyń 3 bóligi «qaýipsizdik talaptaryna sai kelmeitin taýarlardy shyǵarý nemese satý, jumystardy oryndaý ne qyzmetterdi kórsetý» boiynsha sotqa deiingi tergep-tekserýdiń biryńǵai tizilimine engizildi», - dedi vedomstvodan.
