Aqmola oblysynda ushaqtyń qulaýy týraly aqparat jalǵan bolyp shyqty, dep habarlaidy "Ult aqparat".
Aqmola oblysy politsiia departamenti baspasóz qyzmetiniń málimetinshe, naýryzdyń 30-da Tselinograd aýdandyq PB kezekshi bólimine Farforovoe aýylynyń 96-shy razezinde ushaq qulap ketkeni týraly telefon habarlamasy kelip tústi.
«Túsken aqparatty tekserý úshin oqiǵa ornyna jedel-tergeý toby dereý shyqty. Ótkizilgen is-sharalar nátijesinde Tselinograd aýdanynyń 109 tótenshe jaǵdailar bólimine Yntymaq aýylynyń 34 jastaǵy turǵyny telefon arqyly habarlasyp, 96-shy razez mańynda ushaq qulaǵanyn jáne tútin shyǵyp jatqanyn aitty», - dedi vedomstvodan.
Politsiia qyzmetkerleri is júzinde bolǵan oqiǵa týraly jubaiy aityp bergenin anyqtady,
Oǵan óz kezeginde aýdannyń orta mektepteriniń birinde ot jaǵýshy bolyp jumys isteitin áriptesi ushaqtyń qulaǵany týraly habarlapty.
Alaida tekserý kezinde telefon habarlamasynda kórsetilgen aqparat rastalmady.
