Aqmola oblysynda ýchaskelik politsiia inspektory sýitsid jasamaq bolǵan 14 jastaǵy jasóspirim qyzdy qutqardy, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, 8 sáýirde Jaqsy aýdanynyń Perekatnoe aýylynda bolǵan.
«Jaqsy aýdandyq PB kezekshi bólimine Perekatnoe aýylynyń 28 jastaǵy turǵyny telefon arqyly habarlasyp, óziniń 32 jastaǵy ápkesi kámeletke tolmaǵan qyzyn uryp jatqanyn aitty», - dedi politsiia.
Kýágerlerdiń aitýynsha, úide janjal shyǵarǵan áiel qyzyn moinynan qysyp tunshyqtyrǵan. Sonymen birge ony jáne kishi inisi men sińilisin balalar úiine beretinin aityp qorqytqan.
«Aitylǵan mekenjaiǵa dereý jetken ýchaskelik inspektor úsh balanyń anasyn óz úiinde mas kúiinde tapty. Osy kezde áieldiń 11 jasar qyzy úige júgirip kelip, ýchaskelik politsiia inspektoryna 14 jastaǵy úlken ápkesi qoranyń ishinde asylyp qalǵanyn aitty. Ýchaskelik politsiia inspektory Daniiar Nurǵamide dereý qorada asylyp turǵan jasóspirimdi bosatyp aldy.
Esinen tanyp qalǵan qyzdy jedel járdem qyzmeti alyp ketti. Qazir onymen psihologtar jumys istep jatyr», - dedi vedomstvodan.
