Aqmola oblysynda qurylysshy toqqa túsip kóz jumdy, dep habarlaidy QazAqparat.
Oblystyq Politsiia departamenti baspasóz qyzmetiniń málimetinshe, maýsymnyń 20-synda Esil aýdandyq PB kezekshi bólimine jedel járdem stantsiiasynyń feldsheri habarlasyp, jańadan salynyp jatqan nysandardyń birinde jumysshyny toq soǵyp, kóz jumǵanyn aitty.
«Anyqtalǵandai, kóz jumǵan adam - Kókshetaý qalasynyń 33 jastaǵy turǵyny. Esil qalasynda qurylysta jumys istegen. Ony beton aralastyrǵysh mashinany tazalaý kezinde toq soqqan», - dedi vedomstvodan.
Politsiia departamentiniń baspasóz qyzmetinen atap ótkendei, qazirgi kezde, osy oqiǵaǵa bailanysty Qylmystyq kodekstiń 156-babynyń 3-bóligi «qaýipsizdik tehnikasy erejelerin buzý» boiynsha sotqa deiingi tergeý amaldary qolǵa alyndy. Sot-meditsinalyq saraptama taǵaiyndaldy.
